Tuesday, March 30, 2004
Woh Raat...
Chaadar ki salwaton mein, jaise kahaani ho gayi,
Woh raat nahi beeti, ik zindgaani ho gayi.
Baadal the woh falak par, ya Jism ka dhuaan tha,
Tu thi mere sirhaane, aur aag paani ho gayi.
Thi Ungliyon mein teri, ik mauj ki shararat,
Masoom thi woh dhadkan, jo baad-baani ho gayi.
Woh sharm ka hi rang thaa, aankhon mein teri bikhra,
Koi kahe phir humse, 'haya' purani ho gayi.
Ghar laut-ti thi jab tu, woh aakhiri pahar thaa,
Uss sahar ki woh sardi, teri nishaani ho gayi,
Woh raat nahi beeti, ik zindgaani ho gayi....
Posted by Varun ::
2:25 AM ::
2 comments
Post a Comment
---------------oOo---------------
